Ўзбекистон Республикаси Президенти Админстрациясининг кўрсатмасига асоосан Ислом цивилизацияси маркази, Имом Бухорий илмий-тадқиқот маркази ходимларининг Ҳазорасп туманида (пробация ва профилактик назоратда турган) фуқаролар ва уларнинг оила аъзолари билан 2020 йил 6 октябрь куни ўтказилган суҳбатда Ҳазорасп тумани “Ўзбекистон” маҳалласида яшовчи (профилактик) назоратда турувчи фуқаро Абдиримов Алишер Абдуллаевич соғлигини тиклаши учун моддий ёрдам ажратилишини сўраган эди.

Ҳазорасп туман 1-сектор ҳудудида жойлашган 2-сонли умумий ўрта таълим мактабида бугун 20-октябрь куни PIRLS - 2021 халқаро тадқиқоти доирасида тажриба-синов жараёнлари ўтказилди.

2020 йилги пахта йиғим-терими давомида мажбурий меҳнатга йўл қўймаслик ҳамда теримчилар учун муносиб меҳнат ва дам олиш шароитлари билан танишиш мақсадида Ҳазорасп туманига бириктирилган Республика ишчи гуруҳи аъзолари бир қатор пахта далаларида бўлиб, пахта мавсумида иштирок этаётган теримчилар, фермерлар ва класстер раҳбарлари билан учрашиб, мавсум давомида юзага келадиган муаммолар, пахта йиғим-терими давомида мажбурий меҳнатга йўл қўймаслик ва олдини олиш бўйича, теримчилар учун яратилган муносиб меҳнат ва дам олиш шароитлари билан танишиб, суҳбат олиб бордилар.

Ҳазорасп тумани давлат хирмонига 18856 тоннадан зиёд ҳосил топшириб, ҳосилдорлик ҳар гектаридан 33,3 центнерни ташкил этиб, шартномавий режани ортиғи билан бажарди. Туманда жорий йилги пахта йиғим-терими мавсуми учун пухта тайёргарлик кўрилди ва тизимли асосда иш олиб борилди.

Мамлакатимизда 1989 йил 21 октябрда эл-юртимиз асрлар давомида орзу қилиб, интилиб ва курашиб келган давлат тили ҳақидаги қонуннинг қабул қилиниши мамлакат суверенитети ва мустақиллиги сари қўйилган дастлабки дадил қадам эди. Айнан ана шу тарихий ҳужжатга биноан ўзбек тили мустаҳкам ҳуқуқий асос ва юксак мақомга эга бўлди.

“САОДАТЖОН ОНА” НОДАВЛАТ МТТ ИШ БОШЛАДИ Бугун Ҳазорасп туманидаги “Боғиэрам” маҳалласида ёш тадбиркор Иззатбек Қабулов томонидан “Саодатжон она” 25-сонли оилавий нодавлат мактабгача таълим ташкилоти ўз ишини бошлади. Ушбу оилавий нодавлат мактабгача таълим ташкилоти 25 нафар тарбияланувчи болажонларни ўз бағрига олди. Бу ерда улар учун барча шарт-шароитлар яратилган бўлиб, 3 нафар хотин-қизлар бандлиги таъминланди.

Бугун 24 сентябрь куни Сенаторлар Умарбек Шарипов, Гавҳар Дурдиева, Фарахат Садуллаева, Бандлик ва меҳнат муносабатлари вазирлиги ҳамда Ўзбекистон Касаба уюшмалари ташкилотлари бирлашмаси вакилларидан таркиб топган ишчи гуруҳ аъзолари пахта йиғим-терими давомида мажбурий меҳнатга йўл қўймаслик ҳамда теримчилар учун муносиб меҳнат ва дам олиш шароитларини яратиш юзасидан мутасадди ташкилотлар устидан қатъий назоратни таъминлаш бўйича Ҳазорасп туманида бўлдилар.

Ҳазорасп туманидаги “Қиртепа” маҳалласи анча йиллардан буён эски бинода фаолият юритиб келаётган эди. Президентимизнинг “Аҳоли муаммолари билан ишлашда маҳалла институтининг мавқеини тубдан ошириш чора-тадбирлари тўғрисида”ги Фармони ижроси юзасидан давлат хусусий шерикчилиги асосида Ҳазорасп туманидаги 1-сектор ҳудудида жойлашган “Қиртепа” маҳалла фуқаролар йиғинининг янги биноси бунёд этилди.