“Сулаймон қалъа” маҳалласида яшовчи 1956 йилда туғилган Зуҳра Матчанова ногиронлик аравачаси ва моддий ёрдам сўраб қилган мурожаати ижроси юзасидан бугун туман ҳокими Ў.Машарипов фуқаро хонадонига борди. Зуҳра Матчановага ногиронлик аравачаси ва бирламчи озиқ-овқат маҳсулотлари етказилди. Туман ҳокими фуқаро билан суҳбатлашиб, муаммоларини тинглади. У фарзанди Хушнуд Машариповнинг буйрак етишмовчилиги билан касалланганлигини ва уни даволатишда амалий ёрдам сўради. -Мен туман ҳокимига ўз миннатдорчилигимни билдираман. Мурожаатим тезкорликда ижобий ҳал бўлди. Ўғлимнинг даволанишига ҳам ёрдам беришларини айтдилар. Илоҳим соғ бўлсинлар,-дейди Зуҳра Матчанова. Ҳазорасп туман ҳокимлиги Матбуот хизмати.

Ёшларнинг ғоя ва таклифларини эшитиш учун майдон яратиш, замон қаҳрамонларини кашф этиш, уларнинг илмий ва ижодий салоҳиятини рўёбга чиқариш ва мамлакатдаги янгиланишларга фаол жалб қилиш мақсадида мамалакатимизда 18 декабрдан 25 декабрга қадар йилнинг энг қайноқ ва унутилмас воқелиги — «Ўзбекистон ёшлари форуми-2021» ўтказилмоқда.

Ҳазорасп тумани ҳокими Машарипов Уктам Рустамовичнинг Қишлоқ ҳўжалиги ходимларига байрам табриги.

Мамлакатимизда олиб борилаётган янгиланиш ва ўзгаришларнинг туб моҳияти муқаддас она Ватанимиз равнақи, фуқароларимиз турмуш фаровонлигини юксалтиришга қаратилганлиги ҳеч кимга сир эмас. Жумладан, бугунги кунда тиббий хизмат сифати ва савиясини юксалтириш, аҳолига ихтисослашган тиббий хизмат кўрсатиш, жамиятда соғлом турмуш тарзини шакллантириш, фуқароларнинг тиббий маданияти, саводхонлигини оширишни юқори босқичга кўтаришга алоҳида эътибор қаратилмоқда.

Бугун тумандаги 23-сонли умумтаълим мактаби спорт залида Ҳазорасп туман мактабгача таълим бўлими тасарруфидаги давлат мактабгача таълим ташкилотлари, давлат хусусий шеркичилик асосидаги нодавлат мактабгача таълим ташкилотлари ҳамда Оилавий нодавлат мактабгача таълим ташкилотлари ходимлари ўртасида “Спорт соғлик гарови” шиори остида спорт мусобақаси ташкил қилинди. Спорт мусобақасида иштирокчилар шахмат-шашка, баскетбол, стол тенниси каби спорт турлари бўйича ўзаро мусобақалашдилар. Қизғин ўтган баҳслардан сўнг мусобақа ғолиблари мактабгача таълим бўлими томонидан фахрий ёрлиқ ҳамда эсдалик совғалари билан тақдирландилар. Ҳазорасп тумани ҳокимлиги Матбуот хизмати.

Бугун Ҳазорасп туманида “Ёшлар форуми” доирасида "Зукко китобхон" интелектуал ўйинининг туман босқичи бўлиб ўтди. Ўтказилган интелектуал тадбирда тумандаги "Ёшлар дафтари"га киритилган ёшлардан 4 та жамоа, бошқа кўнгилли ёшлардан 9 та жамоа иштирок этиб, умумий ҳисобда ўз зукколиги ва илимлилиги устун келган "Лидерлар" жамоаси 1-ўринни қўлга киритиб, вилоят босқичига йўлланма олишди. Танлов ғолиблари Ёшлар ишлари агентлиги Ҳазорасп туман бўлими ва Ўзбекистон ёшлар иттифоқи туман кенгашининг Фахрий ёрлиғи ҳамда эсдалик совғалари билан тақдирландилар. Ҳазорасп тумани ҳокимлиги Матбуот хизмати.

Ўзбектелеком AК Хоразм филиали Ҳазорасп туман телекоммуникация боғламаси томонидан туман фуқаролари, тадбиркорлик субъектлари ва инфратузилма объектларига сифатли телекоммуникация хизматларини кўрсатиш мақсадида бир қанча ишлар амалга оширилмоқда. Жумладан, 2021 йил декабрь ойида тумандаги “Аталиқ”, “Янгиобод” ва “Оқ майдон” маҳаллаларининг ҳар бирига 1024 сиғимли ГПОН технологияси асосида ишловчи ОЛТ қурилмалари ўрнатилиб ишга туширилмоқда. Бунинг натижасида яна 3000 дан ортиқ хонадонлар ва инфратузилма объектлари телекоммуникация хизматларидан фойдаланиш имкониятига эга бўладилар. Ҳазорасп тумани ҳокимлиги Матбуот хизмати.

Ўзбекистон Республикаси Давлат мадҳияси қабул қилинганлигининг 29 йиллиги муносабати билан тумандаги 26-сонли умумтаълим мактабида маънавий-маърифий тадбир бўлиб ўтди. Тадбир "Улуғ халқ қудрати жўш урган замон" шиори остида ўтказилиб, Мадҳиямиз жонли ижрода янгради ва тадбир барчага кўтаринкилик бағишлади. Шунингдек, тадбир давомида туманда ўтказилган "Заковат"интеллектуал танловида биринчиликни қўлга киритган ўқувчилар Республика Маънавият ва маърифат маркази туман бўлинмаси бошлиғи Ш.Аҳмедова ва туман ҳокими Матбуот котиби Ж.Усмановалар томонидан диплом ҳамда китоблар билан тақдирландилар. Тадбирда иштирок этган зукко, илмли ўқувчиларини тарбиялаётган ўқитувчиларга ва уларнинг ота-оналарига ташаккур билдирилди. Ҳазорасп тумани Халқ таьлими бўлими