Ҳазорасп туманидаги “ Pichoqchi Mega Stroy” МЧЖ корхонасига вилоят ва туман оммавий ахборот воситалари ва блогерлари иштирокида медия тур ташкил этилди. Медия тур давомида журналист, блогерлар корхона фаолияти, ишлаб чиқараётган маҳсулотлар жараёнлари билан танишдилар ва ўзларини қизиқтирган саволларга тадбиркор томонидан тўлақонли жавоблар олдилар ҳамда керакли маълумотларга эга бўлдилар.

Бугун туманидаги 13-сонли Болалар мусиқа ва санъат мактабида туманда алоқа, ахборотлаштириш ва телекоммуникация технологиялари соҳаси бўйича сайёр қабул бўлиб ўтди. Мазкур сайёр қабулда Ахборот технологиялари ва коммуникацияларини ривожлантириш вазирлиги Хоразм вилояти ҳудудий бошқармаси, Ўзкомназорат Хоразм вилояти ҳудудий инспекцияси, вилоятдаги соҳа корхоналари ҳамда мобил алоқа операторлари раҳбар ва мутахассислари иштирок этди. Сайёр қабулда фуқаролар мурожаатлари тингланди ва ижроси назоратга олинди.

Конституциямиз қабул қилинганининг 29 йиллиги муносабати билан давлатимиз раҳбарининг фармонларига кўра Ҳазорасп туманида жазо муддатини ўтаётган, айни пайтда қилмишидан чин дилдан пушаймон бўлган ва қатъий тузалиш йўлига ўтган 2 нафар Мунис Хоразмий маҳалласида яшовчи Жавлонбек Тахиров ва “Қиртепа” маҳалласида яшовчи Икромбой Алланазаровлар авф этилиб, оиласи бағрига қайтган эди. Бугун туман ҳокимлигида ушбу фуқароларнинг ҳар бирига моддий ёрдам тариқасида 1 200 минг сўмдан пул маблағи берилди. Бунинг учун фуқаролар ўз миннатдорчиликларини билдирдилар.

Ҳазорасп туманидаги 23-сонли умумий ўрта таълим мактабида ,,Огаҳий - серқирра истеъдод соҳиби" мавзусида адабий-бадиий тадбир ўтказилди. Тадбирда қатнашган халқ таълими бўлими мудири Шерзод Aҳмедов Огаҳий буюк истеъдод соҳиби бўлиб, шоирлик иқтидори, тарихнавислик салоҳияти, таржимонлик маҳорати билан ўзбек маданияти равнақига катта улуш қўшганини ва ўзбек мумтоз адабиётининг йирик сиймоси сифатида ҳақли равишда Алишер Навоийга қиёсланишини айтиб ўтди.

Бугун туман ҳокимлиги биносида Ҳазорасп туман ҳокими Ўктам Машариповнинг навбатдаги фуқаролар қабули бўлиб ўтди.Унда Ўзбекистон Республикаси Президентининг Ҳазорасп туманидаги Халқ қабулхонаси мудири С.Ходжамуратов ва идора ташкилот раҳбарлари иштирок этдилар.Қабулда жами 42 нафар фуқаролар ўз муаммолари билан мурожаат қилдилар.

Ҳазорасп туманидаги “Madina Аzizjon Mashali” оилавий корхонасига вилоят ва туман оммавий ахборот воситалари иштирокида медия тур ташкил этилди.Медия тур давомида оилавий корхона фаолияти ва ишлаб чиқараётган маҳсулотлар жараёнлари билан танишдилар. Корхонада бугунги кунда 50 нафар хотин-қизлар фаолият юритиб, мавсумий болалар кийими ишлаб чиқарилади.

Ҳазорасп туманида туман ҳокими Ўктам Машарипов раҳбарлигида ёшларни қўллаб-қувватлаш, бандлигини таъминлаш борасида тизимли ишлар олиб борилмоқда.Хусусан, туман ҳокимига ўз тадбиркорлигини бошлаш, банд бўлиш истагида бўлган ёшлар мурожаати ижроси юзасидан бугун туман ёшлар жамғармаси маблағари ҳисобидан керакли асбоблар олиб берилди.

Ўзбекистон Республикаси Ички ишлар вазири соврини учун туман ҳокимлиги, ички ишлар, туризм ва спорт, Маҳалла ва оилани қўллаб-қувватлаш туман бўлимлари томонидан “Соғлом ва баркамол оила” шиори остида Ҳазорасп тумандаги 1-сонли ихтисослашган мактаб интернатида ”Энг яхши маънавий етук оила” тадбири ўтказилди.