Давлатимиз раҳбарининг бевосита тавсияси ва ташаббуси натижасида айни вақтда республикамизнинг қатор маҳаллаларида “ҳоким ёрдамчиси” лавозими жорий этилди.Улар жорий йилнинг 1 январь санасидан маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ўз фаолиятларини бошладилар. Бугунги кунда ҳоким ёрдамчиларининг фаолият олиб бориши учун барча шарт-шароитлар яратилмоқда.

Ҳазорасп туманида эзгулик тадбирлари давом этмоқда. Хусусан туман ҳокимлигига электр юритмали ногиронлик аравачаси сўраб мурожаат қилган, ногиронлиги бўлган 7 нафар фуқаролар таклиф этилди.

Жойларда аҳолининг турмуш даражаси ва сифатини яхшилаш, камбағалликни қисқартириш, аҳоли бандлигини таъминлаш бўйича тизимли ишлар амалга оширилмоқда.

Ҳазорасп тумани ҳокими Ўктам Машарипов ҳафтанинг ҳар чоршанба кунлари туман ҳокимлигида фуқароларни қабул қилиб келмоқда. Бугун 26 январь куни ҳам 52 нафар фуқаролар ўзларни қийнаб келаётган муаммоларининг ижобий ҳал қилиниши илинжида қабулга келдилар. Фуқаролар муаммолари туман ҳокими Ў.Машарипов, Халқ қабулхонаси мудири С.Ходжамуратовлар томонидан тингланди. Мурожаатларнинг баъзилари шу ернинг ўзида ижобий ҳал қилинган бўлса, баъзилари рад этилиб, ҳуқуқий тушунтиришлар ҳам берилди. Қабулда келган фуқароларнинг муаммоларини ижобий ҳал қилиш юзасидан тегишли масъулларга топшириқлар берилиб, туман ҳокими томонидан назоратга олинди. Ҳазорасп туман ҳокимлиги Матбуот хизмати.

Президент Шавкат Мирзиёев раислигида маҳаллабай ишлашнинг янги тизимини йўлга қўйиш ва аҳоли бандлигини таъминлаш бўйича жорий йилдаги устувор вазифаларга бағишланган видеоселектор йиғилишида “ Ҳоким ёрдамчилари – Президентнинг маҳалладаги вакиллари ҳисобланади. Уларнинг асосий вазифаси – ўз маҳалласида тадбиркорликни ривожлантириш, иш ўрни яратиш, камбағалликни қисқартириш ва оилалар даромадини кўпайтиришдан иборат... Ҳокимлар улар учун фақат шароит яратиб бериши керак»,-деган эдилар.

Жорий йилнинг 1 январидан мамлакатимиздаги мавжуд маҳаллаларда 9 минг 309 нафар ҳоким ёрдамчилари иш бошлади. Давлатимиз раҳбари топшириғига кўра, Ҳазорасп туманидаги 44 та маҳаллага ҳам энг муносиб номзодлар суҳбат асосида танлаб олиниб, билимли, тажрибали ва мавжуд имкониятлардан фойдалана олиш салоҳиятига эга бўлган ходимлардан иборат бўлган ҳоким ёрдамчилари маҳаллаларга тайинланди ва иш фаолиятини бошлади. Хусусан, бугун Ҳазорасп тумани ҳокими Ўктам Машарипов “Қиртепа” маҳалласида бўлиб, ҳоким ёрдамчиси Мақсадбек Сабиров билан учрашди. Маҳаллада унга яратилган шароитлар билан танишди. Шунингдек, бажарилиши лозим бўлган вазифалар борасида ўз таклиф ва керакли тавсияларни бериб ўтди.

Бугунги кунда туман сектор раҳбарлари билан биргаликда ҳоким ёрдамчилари маҳаллаларда уйма-уй юриб, муаммо ва таклифларни аниқлаб, аниқланаётган камчиликлар ҳамда таклифларни босқима-босқич бартараф этиб бормоқдалар. Жумладан, бугун 1-сектор раҳбари, туман ҳокими Ў. Машарипов ҳоким ёрдамчиси М.Сабиров билан Саломат Юсупова хонадонида бўлди ва фуқаро муаммоларини тинглади. - Мен 1-гуруҳ ногирониман. Оиламизда 6 нафармиз. Ишсизман. Даволаниш учун маблағим етарли эмас. Моддий ёрдам масаласида мурожаат қилмоқчи эдим,-деди Саломат Юсупова. Мурожаати ижроси юзасидан беморнинг даволаниши учун моддий ёрдам кўрсатилиши белгиланди ва ишсиз оила- аъзоларининг бандлигини таъминлаш чораларини кўриш бўйича ҳоким ёрдамчиси М.Сабировга керакли тавсиялар берилди.

14 январь - Ватан ҳимоячилари куни муносабати билан туман ҳокимининг ўринбосари маҳалла ва оилани қўллаб-қувватлаш бўлими бошлиғи М.Эшжанов, туман ҳокимининг чегара масалалари бўйича ҳоким ёрдамчиси Г.Матмуродовалар тумандаги чегара постида бўлиб, ҳарбийларни байрам билан қутладилар. Шунингдек, ҳарбий хизматчиларнинг бир гуруҳи туман ҳокимлигининг фахрий ёрлиғи ҳамда байрам совғалари билан тақдирландилар.