Азиз элдошлар! Авваламбор сизларни, сизлар орқали барча юртдошларимизни энг улуғ, энг азиз байрам – давлатимиз мустақиллигининг 30 йиллик шодиёнаси билан чин қалбимдан табриклайман!

Бугун тумандаги “Овшар” маҳалласида жойлашган 6-сонли давлат мактабгача таълим ташкилотида “Янги Ўзбекистонда эркин ва фаровон яшайлик!” шиори остида Мустақилигимизнинг 30 йиллигига бағишлаб ташкилот тарбиячилари орасида “Энг фаол ва зукко тарбиячи” кўрик танлови ўтказилди.

Бугун Ҳазорасп туман халқ таълими бўлими томонидан умумтаълим мактаблари учун навбатдаги ананавий "Aвгуст кенгаши" бўлиб ўтди. Кенгашда туман хокими Ўктамбой Машарипов қатнашиб, барчани Мустақиллигимизнинг 30 йиллиги байрами билан қутлади ва 2020-2021-ўқув йилида таълим соҳасида эришган ютуқлари учун бир гуруҳ мактаб директорлари ва фан ўқитувчиларини тақдирлади.

Бугун Мустақиллигимизнинг 30 йиллиги байрами муносабати билан Ҳазорасп тумани ҳокими Ўктам Машарипов ва туман прокурори Дилшод Мадиримовлар тумандаги 30 ёшга тўлган фаол 30 нафар ёшлар билан учрашдилар.

Ўзбекистон Республикаси мустақиллигининг ўттиз йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида Ўзбекистон Республикаси Президентининг Фармонига асосан мамлакатимизнинг иқтисодий қудратини мустаҳкамлаш, барча соҳаларда ислоҳотларни муваффақиятли амалга ошириш борасидаги кўп йиллик самарали меҳнати, юртимиз тараққиёти ва халқимиз фаровонлигини таъминлаш, Янги Ўзбекистонни барпо этиш, унинг халқаро майдондаги обрў-эътибори ва нуфузини юксалтиришга қўшган муносиб ҳиссаси, иқтисодиёт тармоқларини замон талаблари асосида модернизация қилиш, илғор инновацион технологияларни жорий этиш, қулай инвестиция муҳитини яратиш, ҳудудлар инфратузилмасини жадал ривожлантиришдаги улкан хизматлари, жамиятда маънавий барқарорликни сақлаш, ёш авлодни она Ватанга муҳаббат, миллий ва умуминсоний қадриятларга ҳурмат руҳида тарбиялаш ишларидаги ибратли фаолияти ҳамда ижтимоий ҳаётдаги фаол иштироки учун Ҳазорасп тумани ҳокими МАШАРИПОВ УКТАМ РУСТАМОВИЧ "Дўстлик» ордени билан мукофотланди. МАШАРИПОВ УКТАМ РУСТАМОВИЧни ушбу мукофот билан Ҳазорасп туман аҳли номидан қутлаймиз. Ҳазорасп туман ҳокимлиги Матбуот хизмати.

Жорий йилнинг 25-29 август кунлари Самарқанддаги “Ипак йўли” Халқаро туризм университетида шахмат бўйича “Соҳибқирон кубоги-2021” I-Халқаро турнири ўтказилади. Илк бор ташкил этилаётган мусобақада ўндан зиёд мамлакатнинг 100 нафардан ошиқ шахматчиси дона суради. Улар орасида кўплаб гроссмейстер (GM), халқаро мастер (IM), ФИДЕ мастери (FM) ва бошқалар бор. Биз учун эътиборли жиҳати шундаки, турнирда ҳазорасплик опа-ука шахматчилар – гроссмейстер Нодирбек Ёқуббоев ва аёллар халқаро мастери (WIM) Нилуфар Ёқуббоева ҳам иштирок қилади. Мусобақанинг рапид йўналиши биринчилиги 25-27 август кунлари, блиц беллашувлари 28 августда уюштирилади. Турнирнинг мукофот жамғармаси 50 000 АҚШ долларидан иборат бўлиб, рапид учун 40 000 АҚШ доллари, блиц учун 10 000 АҚШ доллари ажратилган.

Мамлакатимизда амалга оширилаётган жадал ислоҳотлар замирида халқ фаровонлиги, юрт тараққиёти, ёшларнинг порлоқ келажагини таъминлаш каби эзгу мақсадлар мужассам. Бугун мустақиллигимизнинг 30 йиллиги арафасида “Карвак” маҳалласидаги табиат қўйнида "Уч авлод учрашуви" тадбири ўтказилди. Тадбирга уч авлод вакиллари - меҳнат фахрийлари, ўрта ёш авлодлари ва ёшлар таклиф этилди. Тадбирда давомида туман ҳокими, туман прокурори, туман Халқ қабулхонаси мудири ва бошқалар сўзга чиқиб, эришилган ютуқлар ва қилиниши лозим бўлган вазифалар ҳақида қисқача тўхталиб ўтдилар. Шунингдек, шу тинч-осуда замонамизга шукроналар айтиб, барчани яқинлашиб келаётган мамлакатимиз Мустақиллигининг 30 йиллиги билан муборакбод этишди. “Уч авлод учрашуви” тадбири иштирокчилари хушовоз хонандалар томонидан ижро этилган куй-қўшиқлардан баҳраманд бўлиб, туман ҳокимининг эсдалик совғалари билан тақдирландилар. Ҳазорасп туман ҳокимлиги Матбуот хизмати.

Hurmatli soliq to‘lovchilar! Tadbirkorlik subyektlarining takliflariga muvofiq yillar davomida (3 yildan ortiq) faoliyatini amalga oshirmayotgan xo‘jalik subyektlarini soddalashtirilgan tartibda davlat reyestridan chiqarish tadbirlari ko‘rilmoqda. Davlat reyestridan chiqariladigan tadbirkorlik subyektlari ro‘yxati bilan Davlat xizmatlari agentligining rasmiy veb-saytiga joylashtirilgan havola orqali tanishishingiz mumkin. https://fo.birdarcha.uz/notification/simple_liquidation Faoliyatini qayta tiklash istagida bo‘lgan xo‘jalik subyektlari taʼsischi va rahbarlari 2021-yil 20-avgustga qadar ro‘yxatdan o‘tgan hududidagi davlat xizmatlari markaziga murojaat qilishlari lozim. Qo‘shimcha savollar bo‘yicha soliq to‘lovchining shaxsiy kabineti, Davlat soliq qo‘mitasining Call-markazi - 1198 hamda 71-202-32-82 telefon raqamlari orqali murojaat qilishingiz mumkin.