Бугун 25 июнь куни Ҳазорасп туманига вилоятдаги барча туман ҳокимлиги Ахборот хизмати раҳбарлари, журналист ва блогерлар таклиф этилди.
Улар Ҳазорасп тумани ҳокимлиги биносида ташкил этилган туман ҳокими Ў.Машарипов ва сектор раҳбарлари иштирокидаги Матбуот анжуманида қатнашишди.
Матбуот анжуманида Ҳазорасп туманини ижтимоий-иқтисодий ривожлантириш борасида амалга оширилган ишлар юзасидан туман ҳокимининг маърузаси тингланди ва журналист блогерлар томонидан берилган саволларга тўлақонли жавоблар қайтарилди.
Шундан сўнг журналист, блогерлар тумандаги "Обод маҳалла" дастури доирасида иш олиб борилаётган "Оқ майдон" маҳалласида бўлиб, сектор раҳбарлари иштирокидаги жонли мулоқотда иштирок этишди.
Ҳудудда ёшлар ва хотин-қизлар бандлигини таъминлаш, уларни даромад манбаи билан таъминлаш масалалари “Аёллар”, “Ёшлар” дафтарларининг ишлаши юзасидан “Шовот” маҳалласида ўтказилган очиқ мулоқот ва пресс тур давомида журналист ва блогерлар “Аёллар дафтарида” турувчи хотин-қизларнинг тадбиркорлик фаолиятлари билан танишдилар.
Ўтказилган тадбирлар ниҳоясида яқинлашиб келаётган 27 июнь - Матбуот ва оммавий ахборот воситалари ходимлари куни байрами муносабати билан журналист ва блогерлар байрам дастурхонига таклиф этилди ва уларга байрам совғалари улашилди.
Ҳазорасп туман ҳокимлиги Матбуот хизмати.