XORAZM VILOYATI XAZORASP TUMANI HOKIMINING FARMOYISHI

Автор: Сабрижамил
Тарқатиш: Email Facebook Google LinkedIn Twitter VK VK

Tuman ichki ishlar bo‘limining 2024-yil 19-avgustdagi 10/3845-sonli yozishmasini e’tiborga olib, Hazorasp tumanida “Oʻzbekiston Respublikasi Davlat Mustaqilligining 33 yilligi” bayramini o‘tkazishda aholiga qulaylik yaratish, yo‘l transport hodisalarini oldini olish va harakat havfsizligini ta’minlash maqsadida:

 

  1. 2024 yil 29 avgust kuni soat 14:00 dan 23:50 gacha Hazorasp tumani markazining quyidagi ko‘chalarida:
    • Hazorasp shaharchasi “A.Navoiy” ko‘chasi “Tuman aloqa bo‘limi” binosi oldidan;
    • Hazorasp shaharchasi “A.Navoiy” ko‘chasi “Tuman maktabgacha va maktab talimi boʻlimi” binosi oldidan;
    • “O’zbekiston” ko‘chasi “Hayot” kafesi binosi oldidan;
    • “N.Masharipov” ko‘chasi “Kavkaz” binosi oldidagi yo‘llardan transport vositalarining harakat qatnovini vaqtinchalik to‘xtatib qo‘yilsin.
  2. Tuman ichki ishlar bo‘limi boshlig‘i (J.Madaminov)ga: 
    • Bayram dasturlari o‘tkaziladigan maydonlar oldilaridan 150 metr uzoqlikda transport vositalarini saqlash joylari hamda na’munali jamoat tartibini saqlash, harakatlanish xavfsizligini ta’minlash choralarini ko‘rish, ushbu hududlarda qarovsiz qoldirilgan va shubhali ko‘ringan transport vositalarini xavfsiz joyga o‘tkazish choralarini ko‘rish topshirilsin.
  3. Ushbu farmoyish bajarilishini nazorat qilish tuman hokimining o‘rinbosari F.Sobirov va tuman IIB boshlig‘i J.Madaminov zimmalariga yuklatilsin.

 

                                         Tuman hokimi                                                               

                                             Z.Abdirimov