Ёшларнинг ғоя ва таклифларини эшитиш учун майдон яратиш, замон қаҳрамонларини кашф этиш, уларнинг илмий ва ижодий салоҳиятини рўёбга чиқариш ва мамлакатдаги янгиланишларга фаол жалб қилиш мақсадида мамалакатимизда 18 декабрдан 25 декабрга қадар йилнинг энг қайноқ ва унутилмас воқелиги — «Ўзбекистон ёшлари форуми-2021» ўтказилмоқда.

Ҳазорасп туманида ҳам бу борада бир қатор тадбирлар ва спорт мусобақалари ўтказилди ва давом этмоқда.

Жумладан, бугун тумандаги 1-сонли Болалар ва ўсмирлар спорт мактабида «Ўзбекистон ёшлари форуми-2021» доирасида ўтказилган спортнинг футбол, волейбол, шахмат-шашка, арқон тортиш, тош кўтариш, киберспорт турлари ва китобхонлик тадбирлари шулар жумласидандир. 

Шунингдек, қизғин тарзда ўтказилган миллий кураш мусобақалари барчада катта таассурот қолдирди. Ўзининг маҳоратли эканликларини кўрсатган спортчи ёшларимиз туман ИИБ бошлиғи Хушнуд Машарипов ва туман ҳокими ўринбосари Бекзод Собировлар томонидан эсдалик совғалари билан тақдирландилар.

Ҳазорасп тумани ҳокимлиги Матбуот хизмати.