Туман ҳокимининг Қарори

Автор: Сабрижамил
Тарқатиш: Email Facebook Google LinkedIn Twitter VK VK

2021 йил «30» декабрь                                164-12-174-Q/21                         Ҳазорасп туман ҳокимлиги

Туманда 2022 йилда транспорт воситаларини мажбурий техник кўрикдан ўтказиш тўғрисида

“Маҳаллий давлат ҳокимияти тўғрисида”ги Ўзбекистан Республикаси Қонунининг 6, 25-моддалари, “Йўл ҳаракати хавфсизлиги тўғрисида”ги Қонунининг 17-моддаси, Ўзбекистон Республикаси Вазирлар

Махкамасининг 2021 йил 9 мартдаги 125-сонли қарори билан тасдиқланган “Транспорт воситаларини мажбурий техник кўрикдан ўтказиш тартиби тўғрисида”ги Низомга (кейинги ўринларда – Низом) мувофиқ транспорт воситаларининг 2022 йилда мажбурий техник кўригини ташкил қилиш мақсадида,

Қ А Р О Р      Қ И Л А М А Н:

Туман ҳудудидаги мулкчилик шаклидан қатъий назар юридик важисмоний шахсларга тегишли бўлган транспорт воситалари мажбурий техник кўрикдан ўтказилсин.

  1. Туманда транспорт воситаларини мажбурий техник кўрикданўтказиш бўйича туман комиссияси таркиби 1-иловага, жисмоний ва юридик шахсларга тегишли бўлган транспорт воситаларининг 2022 йилги мажбурий техник кўрикдан ўтказиш жадвали 2-иловага мувофиқ тасдиқлансин.
  2. Транспорт воситалари қўйидаги даврийликка мувофиқ техниккўрикдан ўтказилсин:

тижорат асосида йўловчилар ташиш фаолияти билан шуғулланувчи енгил автомобиллар, автобуслар, троллейбуслар, трамвайлар ва ўриндиқлар сони 8 та ва ундан ортиқ бўлган (ҳайдовчининг ўрнидан ташқари), одамларни мунтазам ташиш учун жиҳозланган юк автомобиллари, йирик габаритли, оғир вазнли ва хавфли юкларни ташиш учун махсус транспорт воситалари ва уларнинг тиркамалари — бир йилда икки марта; ишлаб чиқарилганига олти йилдан кўп бўлмаган транспорт воситалари (мазкур банднинг иккинчи хатбошисида кўрсатилган транспорт воситаларидан ташқари) — икки йилда бир марта; ишлаб чиқарилганига олти йилдан ортиқ бўлган, шунингдек, ишлаб чиқарилган вақти аниқ бўлмаган транспорт воситалари (мазкур банднинг иккинчи хатбошисида кўрсатилган транспорт воситаларидан ташқари) — бир йилда бир марта; тиркамалар техник кўрикка транспорт воситаси — шатакчи учун

белгиланган муддатларда; навбатдаги техник кўрикдан ўтказишнинг илгари ўрнатилган муддатларидан қатъи назар, уларни Давлат йўл ҳаракати хавфсизлиги хизмати (кейинги ўринларда - ДЙҲХХ) органларида рўйхатдан ўтказиш (қайта рўйхатдан ўтказиш) вақтида (биринчи марта рўйхатга олинаётган янги транспорт воситалари бундан мустасно).

  1. Мазкур қарорнинг 3-банди иккинчи хатбошисида кўрсатилган транспорт воситаларининг техник кўриги:

биринчи марта – 1 март- 30 июнда; иккинчи марта – 1 сентябрь- 31 октябрда ўтказилади.

Жисмоний ва юридик шахсларга тегишли бошқа транспорт воситаларининг техник кўриги 1 январь – 31 декабрда ўтказилади.

  1. Транспорт воситаларини мажбурий техник кўрикдан ўтказиш туман комиссияси раҳбарига транспорт воситаларининг техник кўрикдан ўтказишда:

транспорт воситасини рўйхатдан ўтказиш тўғрисидаги гувоҳномада (техник паспортда, техник талонда) кўрсатилган маълумотларга транспорт воситаси тури, маркаси, модели, давлат рўйхатидан ўтказиш рақами белгилари, шасси (рама), кузов ва двигателнинг идентификациялаш рақамларининг мувофиқлиги; транспорт воситасининг техник ҳолати ва жиҳозлари техник регламентлар, стандартлар талабларига, йўл ҳаракати хавфсизлиги қоидалари ва нормаларига мувофиқлиги; махсус ва тезкор хизматларнинг транспорт воситаларида махсус рангли ва овозли сигналлар қурилмаларининг мавжудлиги, созлиги ва қонунийлиги, шунингдек, транспорт воситасининг ранг-график бўяш схемаларининг техник регламентлар ёки стандартлар талабларига мувофиқлиги; газ ёнилғисида ишлаш учун қайта жиҳозланган транспорт воситаларини техник кўрикдан ўтказишда газ баллонларининг фойдаланиш муддати, ишлаб чиқарилган йили, завод рақами, газ баллонларини синовдан ўтказиш муддатлари, газ баллони анжомларининг белгиланган талабларга мувофиқлигини текширилишини таъминласин.

  1. Транспорт воситаларининг мажбурий техник кўриги ДЙҲХХорганлари ҳамда тадбиркорлик субъектлари – юридик шахслар томонидан Низомга мувофиқ ўтказилади ҳамда тегишли йиғим ундирилади.

Транспорт воситаларининг техник ҳолати ва ускуналарининг мувофиқлигини баҳолаш учун ДЙҲХХ органлари томонидан вазирликлар, идоралар ва бошқа ташкилотларнинг техника базалари, шунингдек, хусусий техник хизмат кўрсатиш станциялари шартнома асосида жалб этилиши мумкин.

Жисмоний шахсларга тегишли бўлган М1 тоифадаги транспорт воситалари фақат тадбиркорлик субъектлари томонидан техник кўрикдан ўтказилади.

  1. Тумандаги барча транспорт воситалари эгалари бўлган юридик важисмоний шахсларга техник кўрикдан ўтказиш жадвали асосида транспорт воситаларини техник жиҳатдан созлигини ўз вақтида техник кўрикдан ўтказиш мажбурияти юклатилсин.
  2. Вазирлар Маҳкамасининг 2021 йил 9 мартдаги 125-сон “Транспортвоситаларини мажбурий техник кўрикдан ўтказиш тартиби тўғрисида низомни тасдиқлаш тўғрисида”ги қарори 3-бандига кўра Ўзбекистон Республикаси Миллий гвардияси, Мудофаа вазирлиги, Ички ишлар вазирлиги ва Давлат хавфсизлик хизмати ҳарбий бўлинмаларининг транспорт воситалари мазкур идоралар томонидан белгиланган тартибда мажбурий техник кўрикдан ўтказилиши инобатга олинсин.
  3. Туман ҳокимининг 2021 йил 24 февралдаги 403Қ-сон “Ҳазорасптуманида транспорт воситаларини 2021 йилда мажбурий техник кўрикдан ўтказиш тўғрисида”ги қарори ўз кучини йўқотган деб ҳисоблансин.
  4. Ушбу қарор расман эълон қилинган кундан эътиборан кучгакиради.
  5. Мазкур қарор ижросини назорат қилиш туман ҳокими ўринбосари У.Авазов зиммасига юклатилсин.

                   Ҳазорасп туман ҳокими                                            У.Машарипов