Туман ҳокими табриги
Ассалому алайкум, азиз юртдошлар, сизни Республикамиз Мустақиллигининг 30 йиллиги байрами билан,ушбу енг улуғ ва енг азиз айём билан чин қалбимдан самимий қутлайман.
Бугун Ватанимиз озодликка эришганига, ўз тақдирини ўзи белгилаш ҳуқуқини қўлга киритганига 30 йил тўлди. Ва ниҳоят бутун мамлакатимиз,халкимиз асрлар давомида орзикиб,интилиб кутган,хаётимизнинг маъно-мазмуни,онгу шууримизни тубдан узгартирган Мустакиллик кунининг ўттиз йиллигини баланд руҳ ва шоду хуррамлик билан нишонламоқда.
Ана шу буюк айём билан,ҳақиқатан ҳам барчамиз учун энг улуғ,энг азиз байрам билан сиз қадрли юртдошларимни,сизларнинг тимсолингизда бутун халқимизни чин қалбимдан табриклашдан бахтиёрман.
Мустақилликка эришиш-бу ўз тақдиримизни қўлимизга олиб юртимизнинг ер ости ва ер усти бойликларига эга бўлиш,улуғ тарихимизни авайлаб асраш,ўзлимизни чуқур англаш,қадриятларимизни тиклаш ва муқаддас бурчимизни амалга оширишдир.
Ҳурматли Президентимиз Шавкат Миромонович Мирзиёев Ватанимизнинг янада гуллаб-яшнаши учун халқимизга ҳар томонлама шарт-шароитлар яратиб бермоқдалар.Президентимиз ташаббуслари билан ҳаётимиз даражаси ва сифатини ошириш борасидаги кенг кўламли ишларнинг олиб борилиши,шаҳар ва қишлоқларимиз бутун мамлакатимизнинг қиёфаси тобора очилиб,обод бўлиб бораётганининг гувоҳи бўлиб турибмиз.Шу билан бирга эртанги кунимизни янада юксалтиришга,биз бошлаган буюк ишларни давом эттиришга қурби-қудрати етадиган етук ва баркамол,мустақил фикрлайдиган янги авлодни камол топтириш мақсадида олиб бораётган ишлари эътирофга сазовордир.
Ўзбекистонимизнинг Президентимиз томонидан Янги Ўзбекистон дея номланиши Ватанимизни янада ёрқин келажак кутаётганлигидан далолатдир.
Ўттиз йил.Халқимиз ҳаётида тарихий сана.Улуғ айём. Бу тантаналар йил бўйи бел букиб,тупроқни олтинга қуёш зиёсини шарбатга айлантирса ҳам ўзи қашшоқлик ва муҳтожлик исканжасида қолган ўзбекнинг асрий орзулари рўёбга чиқиб,елкасига қуёш нури теккани,ўзлигини танигани,тарихи ва қадриятлари тиклангани истиқлолга эришганидандир.
Мустақиллик туфайли барча шаҳар-у қишлоқдарда амалга оширилаётган улкан ўзгаришлар,бунёдкорлик ишлари,яратувчанлик ҳалқимизнинг турмуш тарзи,фаровонлиги йилдан йилга ошиб бормоқда.
Мустақиллик бизнинг Ҳазорасп туманимизга ҳам ўзгача ҳусн ва тароват,кўрк ва чирой бахш этди.Равон йўллар,мустаҳкам кўприклар,бир-биридан муҳташам иншоотлар,боғлар-у хиёбонлар ҳар бир қалбда ғурур ва ифтихор туйғуларини уйғотади.Истиқлолимиз ҳар йили ютуқларга,зафарларга бой бўлмоқда.Ҳар жабҳада ривожланиш сари дадил қадамлар ташланмоқда.Туманимиз аҳли мустақиллигимизнинг 30 йиллик шодиёнасини қишлоқ хўжалиги,транспорт,саноат,қурилиш,халқ таълими,спорт,тиббиёт,савдо ва маиший хизмат кўрсатиш ва бошқа тармоқларда ҳам энг улуғ,энг азиз байрамни ёруғ юз,муносиб тўёналар билан кутиб олишди.
Ота-боболаримиз:,,Халқ бой бўлса,юрт бой бўлур”,-деб бежиз айтишмаган.Буюк Ипак йўлида жойлашган ҳазораспликлар қадим қадимдан бозор ҳавосини олганлиги,савдо кўникмалари ҳар бирининг қонида борлиги азалдан маълум.Шу боис бугунги кунда уддабурон,серғайрат,олийҳиммат ва саҳоватпеша тадбиркорларимиз туманимиз иқтисодиёти юксалишига ўзларининг салмоқли ҳиссаларини қўшмоқдалар.
Шундай экан маррани доимо баланд қўйиб яшанг,азиз юртдошлар!
Бугунги энг улуғ байрам билан энг аввало истиқлолни олий қадрият деб билувчи, халқимиз келажагига бефарқ бўлмаган барча юртдошларимизни самимий муборакбод этаман.
Илоҳим, тинчлик-омонлик, файз-у барака Ўзбекистонимизни ҳеч ҳам тарк этмасин!
Ватанимизни,халқимизни Яратганнинг ўзи ёмон кўзлардан,ёмон ниятлардан асрасин!
Эришаётган ютуқларимиз бардавом, турмушимиз фаровон, Мустақиллигимиз абадий бўлсин!
Ҳазорасп туман ҳокимлиги яна бир бор Сизни энг азиз байрам – Мустақиллигимизнинг 30 йиллиги билан самимий қутлайди.