Наврўз байрами кенг нишонланди
Халқимизнинг бой маданияти ва эзгу қадриятларини ўзида мужассам этиб, яшариш, янгиланишни намоён қилаётган Наврўзи олам ҳар бир кўнгилга ободлик олиб келмоқда.
Наврўз, сумалак сайллари халқимизнинг азалий удумларини, одамлар ўртасида меҳр-оқибат ришталарини янада мустаҳкамламоқда.
Туманда ўтказилган байрам тантаналари ҳам ўзида эзгулик, меҳр-оқибат, миллий анъана ва қадриятларимизни мужассам этди. Тадбир туманимизнинг ҳар бир ҳудудидаги мавжуд маҳаллалар томонидан ташкил этилган миллий анаъналарни намойиш этувчи павильони билан ўзгача тарзда ўтди.
Туман ҳокими Мақсудбек Абдуллаев тадбирни табрик сўзи билан очиб, бу йилги Наврўз тантаналари туманимизда кўтаринки руҳда янгиликларга бой тарзда ўтказилаётганлигини алоҳида эътироф этди.
Шундан сўнг саҳнада шўх куй-қўшиқлар, баҳорий тароналар жаранг сочди. Ҳамма бир-бирини қутлаб, Наврўз айёмида яхши тилаклар билдиришди.
Ҳазорасп тумани ҳокимлиги
Матбуот хизмати.