КИТОБ МАРАФОНИ

«Мактабгача таълим ташкилотимга китоб совға қиламан» шиори остида ўтказилди

Китоб – инсоннинг эркин фикрлаши, дунёқарашининг кенгайиши, ақлан етук бўлиши, маънавиятининг шаклланишида асосий ўринни эгаллайди. Китоб ўқиган инсоннинг ақли чархланиб, маънавияти бойиб етуклик сари илдамлайверади. Китоб ўқимаган инсоннинг онги эса маънавий қашшоқлигича қолаверади.

Бугун тумандаги 1-сонли ихтисослашган мактаб интернатида Мактабгача таълим муассасалари учун китоб марафонининг ўтказилишидан мақсад ҳам жажжи ўғил-қизларимизни китобга ошно қилиш ва янги китоб нашрларидан баҳраманд қилиш бўлди.

 Марафонда қатнашган туман ҳокими Ўктам Машарипов китоб — инсоннинт энг яқин дўсти ва маслаҳатчиси, фикрлаш қуроли, хазиналар калити, тафаккур манбаи эканлигини таъкидлаб, китоблар тўпламларини мактабгача таълим ташкилотларига совға қилди.

Китоблар ярмаркасида қатнашган мактабгача таълим муассасалари раҳбарлари ҳам «Мактабгача таълим ташкилотимга китоб совға қиламан» шиори остида боғчаларда тарбияланаётган болажонлари учун китоблар сотиб олдилар. 

Даҳаққат, дунёни фақат илм билан забт этиш мумкинлиги бугунги кунда ҳеч кимга сир эмас. Илмни чуқур эгаллашнинг йўли эса битта – китоб ўқишдир.

Ҳазорасп туман ҳокимлиги Матбуот хизмати.