Бир нуроний ўн ёшга масъул
Ҳазорасп туманидаги 13-сонли Болалар мусиқа ва санъат мактабида “Бир нуроний ўн ёшга масъул” танловининг туман босқичи ўтказилди. Нуроний отахонлар низомда кўрсатилган 3 та шартлар бўйича ўзаро беллашдилар.
Ўзининг намунали ишлари билан ажралиб турган “Истиқлол” маҳалласидан қатнашган нуроний Г.Турдиева фахрли 1-ўринни, “Саноат” маҳалласи нуронийси Ё. Ортиқов 2-ўринни ва “Обод замин” маҳалласи нуронийси Т.Шокиров 3- ўринни қўлга киритди. Ғолиб ва фаол иштирокчилар диплом ҳамда қимматбаҳо совғалар билан тақдирландилар.
- Қачонки, кексалар маҳалланинг «виждони»га айланса, одамларни, ёшларни тўғри йўлга бошласа, изидан эргаштира олса, шундай мартабага, ҳурматга лойиқ кўрилади. Озми-кўпми маҳалламда кексаю ёш ҳурматини қозонганимдан, 1-ўринга лойиқ топилганимдан жуда бахтиёрман, — дейди Гуландом Турдиева.
Кўрик танлов давомида нуронийларимиз учун концерт дастури намойиш этилди.
Ҳазорасп туман ҳокимлиги
Матбуот хизмати.