БОЛАЛАР ОРОМГОҲИДА
Тарқатиш:
Ҳазорасп туман ҳокими Ўктам Машарипов бугун “Ниҳол” болалар оромгоҳида бўлиб, Қорақалпоғистоннинг Шуманай туманидан оромгоҳга келган 20 нафар дам олувчи болажонлар билан учрашиб, суҳбатлашдилар.
Оромгоҳнинг 1-босқичида ҳам 20 нафар шуманайлик болалар келиб, мароқли дам олишганди.
“Ниҳол” болалар оромгоҳида ҳозирда 18 нафар ишчи ва педагог ходимлари фаолият юритиб, 110 нафар ўғил-қизлар мароқли дам олмоқдалар. Бир кунда 4 маҳал овқат, эрталабки бадантарбия машғулотлари, адабий-бадиий тадбирлар, китобхонлик, қўғирчоқ театрлари намойиш этилиб, турли тўгарак машғулотлари ўтказилмоқда.
Ҳазорасп тумани ҳокимлиги Матбуот хизмати.