Янги йил совғалари тарқатилди
Тарқатиш:
Байрам кунлари шифохонада ётган ҳар бир бемор ўзининг яқин инсонини кўришни, уни табриклашини истайди.
Айниқса, Янги йил байрамини болажонлар интиқлик билан кутади. Улар Қорбобо ва Қорқиздан совға олишни хоҳлайди.
Шу мақсадда бугун Ҳазорасп тумани ҳокими Ўктам Машарипов, туман прокурори Дилшод Мадиримовлар беморлар ҳолидан хабар олиб, уларни байрам билан қутлаш мақсадида болалар шифохонасида бўлдилар.
Жажжи болажонларга Янги йил байрами совғалари Қорбобо ва Қорқиз иштирокида топширилди.
Албатта, байрам арафасида беморлар ҳолидан хабар олиб, қутлаш улар қалбига ёруғлик бахш этади.
Ушбу эзгулик тадбирида туман қурилиш бўлими бошлиғи Фурқат Собиров ҳамроҳлик қилди.
Ҳазорасп туман ҳокимлиги Матбуот хизмати.