ҲАЗОРАСПЛИК СПОРТЧИЛАР 2 ТА ОЛТИН МЕДАЛНИ ҚЎЛГА КИРИТИШДИ
Тарқатиш:
Мамлакатимизда спорт, айниқса, болалар спортини ривожлантириш, ёшларнинг спорт билан мунтазам шуғулланиши, истеъдод ва салоҳиятини кенг намоён этиши учун барча шароитлар яратилган. Ушбу имкониятлардан оқилона фойдаланган ёшларимиз эса бирин-кетин катта ютуқларни қўлга киритмоқдалар.
Жумладан, шу йилнинг 20-25 октябрь кунлари Фарғона вилоятида 2002-2007 йилларда туғилган ўсмирлар ва ёшлар ўртасида спортнинг Муай Тай тури бўйича ўтказилган Ўзбекистон чемпионатида ҳазорасплик ёш спортчиларимиз 67 килограмм вазнда Гўзал Мадаминова, 71 килограмм вазнда Усмонжон Юсуповлар қатнашиб, ўз маҳоратларини кўрсатдилар ва 2 та олтин медални қўлга киритдилар.
Спортчиларимизни ушбу ютуқ билан муборакбод этамиз.
Ҳазорасп туман ҳокимлиги Ахборот хизмати.