ҲАЗОРАСП ТУМАНИ ҲОКИМИ ҚАРОРИ

Автор: Сабрижамил
Тарқатиш: Email Facebook Google LinkedIn Twitter VK VK

Вилоят ҳокимининг 2020 йил 28 июлдаги “Ўзбекистон Республикаси Президентининг 2020 йил 24 июлдаги “Қурбон ҳайитини нишонлаш тўғрисида”ги ПҚ-4788-сон Қарорининг ижроси ҳақида”ги 276қ-сонли қарори тўғрисида

 Ўзбекистон Республикаси Президентининг 2020 йил 24 июлдаги “Қурбон ҳайитини нишонлаш тўғрисида”ги ПҚ-4788-сон Қарорининг ижроси юзасидан, туманда Муборак Қурбон ҳайити моҳиятида мужассам бўлган хайру саҳоват, меҳр-оқибат, инсонпарварлик сингари азалий анъана ва қадрятларимизни асраб авайлаш ҳамда аҳоли ўртасида кенг тарғиб этиш, халқимизнинг эзгу ният ва орзу интилишларини қўллаб-қувватлаш ҳамда вилоят ҳокимининг 2020 йил 28 июлдаги 276қ-сонли қарори ижросини таъминлаш мақсадида

  ҚАРОР    ҚИЛАМАН:

  1. Вилоят ҳокимининг 2020 йил 28 июлдаги “Ўзбекистон Республикаси Президентининг 2020 йил 24 июлдаги “Қурбон ҳайитини нишонлаш тўғрисида”ги ПҚ-4788-сон Қарорининг ижроси ҳақида”ги 276қ-сонли қарори раҳбарлик ва ижро учун қабул қилинсин.
  2. Ўзбекистон Республикаси Президентининг мазкур Қарори билан;

Ўзбекистон мусулмонлар идорасининг 2020 йилда Қурбон ҳайитининг биринчи куни 31 июл - Жума кунига тўғри келиши ҳакида қабул қилган қарорини инобатга олиб, мамлакатимизда 2020 йил 31 июл Қурбон ҳайити байрами сифатида кенг нишонланиши маълумот учун қабул қилинсин.

  1. Туман идора ва ташкилотлари туман маҳалла ва оилаларни қўллаб-қувватлаш бўлими (М.Эшчанов) ва бошқа жамоат ташкилотлари билан биргаликда Қурбон ҳайитининг карантин қоидаларига риоя қилган ҳолда, халқимизнинг миллий ва диний анъаналарига мос равишда ўтиши учун тегишли тадбирларни амалга оширсин.
  2. “Ҳазораспнома” газетаси таҳририятига Қурбон ҳайитини нишонлаш билан боғлиқ тадбирларни кенг ёритиш тавсия этилсин.
  3. Ушбу қарорнинг ижросини назорат қилиш туман ҳокимининг ўринбосарлари М.Эшчанов, А.Дусчановлар зиммасига юклатилсин.

 

Туман ҳокими                                         У.Машарипов