Ҳазорасп туманида ишсиз аёлларга бепул анжир кўчатлари тарқатилди
Давлатимиз раҳбари томонидан белгилаб берилган топшириқлар ижроси юзасидан Ҳазорасп туманида ишсиз хотин-қизларнинг бандлигини таъминлаш ҳамда томорқа ерларидан унумли фойдаланишларини қўллаб-қувватлаш мақсадида муҳим ташаббус амалга оширилди.
Хусусан туман ҳокими Мақсудбек Абдуллаев раҳбарлигида ва Агробанк АТБ Ҳазорасп филиали ҳамкорлигида Амударё маҳалласида истиқомат қилувчи ишсиз аёлларга 1000 туп анжир кўчатлари тарқатилди.
Шунингдек, ушбу анжир кўчатларини парваришлаш ҳисобига юқори даромад олиш мумкинлиги тушунтирилди. Албатта, бу каби тадбирлар аёлларнинг даромад топиш имкониятларини кенгайтириш, оилавий деҳқончиликни ривожлантиришга хизмат қилиш билан бирга кўчат экиш орқали нафақат, хонадонлар иқтисодий манфаат кўради, балки атроф-муҳитни яшилликка буркашҳамда экологик мувозанатни сақлашда муҳим аҳамият касб этади.
Ҳазорасп тумани ҳокимлиги
матбуот хизмати.