”Энг яхши маънавий етук оила” номли китобхонлик ва спорт мусобоқаси ўтказилди
Ўзбекистон Республикаси Ички ишлар вазири соврини учун туман ҳокимлиги, ички ишлар, туризм ва спорт, Маҳалла ва оилани қўллаб-қувватлаш туман бўлимлари томонидан “Соғлом ва баркамол оила” шиори остида Ҳазорасп тумандаги 1-сонли ихтисослашган мактаб интернатида ”Энг яхши маънавий етук оила” тадбири ўтказилди.
Унда туманимизнинг 3-секторида истиқомат қилувчи оилалар китобхонлик ва спортнинг бир қатор турлари бўйича ўзаро куч синашдилар.
Спортнинг стол тениси, шахмат-шашка, волейбол ва арқон тортиш спорт мусобақаларида ўз маҳоратларини ва китобхонликда ўз билими ҳамда зукколигини кўрсатган оилалар ғолибликни қўлга киритдилар ва туман ИИБ бошлиғи Хушнуд Машарипов томонидан диплом ҳамда эсдалик совғалари билан тақдирландилар.
Ҳазорасп тумани ҳокимилиги Матбуот хизмати.