Кооперация ва “Аёллар дафтари”нинг 3-босқичини шакллантириш бўйича йиғилиш бўлиб ўтди
Ҳазорасп туманидаги катта мажлислар залида Кооперация ва “Аёллар дафтари”нинг 3-босқичини шакллантириш бўйича Хоразм вилояти штаби раҳбарлари иштирокида йиғилиш бўлиб ўтди.
Йиғилишни туман ҳокимининг биринчи ўринбосари З.Оллақулиев очиб берди.
Шундан сўнг Ўзбекистон Темирйўлчилари ва транспорт қурувчилари касаба уюшмаси Республика Кенгаши раиси ўринбосари Ғ.Сабиров ҳамда Ўзбекистон касаба уюшмалари Федерациясининг Хоразм вилоят кенгаши раиси Э.Юсуповлар сўзга чиқиб, Кооперацияни ташкил этиш тартиби ва “Аёллар дафтари”нинг 3-босқичини шакллантириш бўйича тушунтириб ўтдилар.
Йиғилишда қатнашган сектор раҳбарлари, ҳокимнинг маҳалла ва маҳалланинг хотин-қизлар бўйича ўринбосарлари, туман туман кенгаши котибият мудири, туман кенгаши депутатлари, МФЙ раислари ва профилактика инспекторлари, маҳалладаги бандлик ходимлари ўзларини қизиқтирган саволлар билан мурожаат қилдилар ҳамда керакли маълумотларга эга бўлдилар.
Ҳазорасп тумани ҳокимлиги Матбуот хизмати.