Ғалла-2024: 101 огоҳлантиради
Айни кунларда туман Фавқулодда вазиятлар бўлими ходимлари томонидан «Ғалла-2024» мавсумида ёнғин хавфсизлигини таъминлаш борасида тарғибот-ташвиқот ишлари олиб борилмоқда.
Мавсумда ғалла майдонларида ёнғин чиқмаслиги учун қуйидагиларга эътибор қаратиш керак:
- темир йўллар, шоссе ва дала йўлларига яқин жойлардаги майдон четлари 8 метр кенгликда ғалласи ўриб олиниб, ярим шудгорланиши лозим;
- мавсумга жалб этилган техникаларнинг учқун ўчиргичлари созлиги текширилгандан сўнг далага киришга рухсат берилиши керак, ўрим-йиғимга жалб қилинмаган бошқа транспорт воситаларини далага киритиш қатъиян ман этилади;
- болаларнинг ғаллазорлар атрофида мол боқишлари, ўйнашлари ва мавсум давомида далага киришларига йўл қўймаслик лозим;
- ғалладан бўшаган ер майдонларни ёқиш мумкин эмас.
- ғаллани ўришга жалб қилинган комбайнлар 2та ёнғин ўчиргич, белкурак, супурги, 2х2 метр хажмдаги кигиз ёки бризент, 100 литр сиғимда сув, 2 та челак билан таъминланган бўлиши керак. Бундан ташқари ўрилаётган ғалла майдони четида омочли хайдов трактори бўлиши, тиркамасида катта сиғимли суви мавжуд, ёнғинни ўчиришда фойдаланиш учун латталар (эски чопон, шолча сингари) билан таъминланган трактор навбатчилигини ташкиллаштириш талаб этилади;
Ушбу талабларга амал қилсак етиштирилган ғалла хосилини ёнғиндан сақлаб қолган бўламиз зеро бу хар биримизнинг вазифамиздир.
Дилмурод Нурметов,
туман ФВБ бошлиғи ўринбосари, капитан.